KAIROS MALAYALAM -June 2024

Description

കെയ്റോസ് ജൂൺ

P 3
വിവാഹ ജീവിതത്തിനും ഒരു ഇന്റേൺഷിപ്പ് ആവശ്യമാണോ എന്ന ചോദ്യം ഉയർത്തുകയാണ് വിവാഹ ജീവിതത്തെക്കുറിച്ച് പരാമർശിക്കുന്ന ഈ ലക്കത്തിലെ എഡിറ്റോറിയലിലൂടെ അഡ്വ. കെ. ജെ. ജോൺസൺ .

അഡ്വ. കെ ജെ ജോൺസൻ :
കെയ്റോസ് മലയാളം മാസികയുടെ ചീഫ് എഡിറ്റർ. ഇരിങ്ങാലക്കുട സ്വദേശി. ഭാര്യ ഡോ. സെൽബിയ. നാല് മക്കൾ

P 6
ജീവിതയാത്രയിൽ നടത്തേണ്ട പുണ്യ സ്നാനത്തെക്കുറിച്ച് ബൈബിളിലെ പുഴകളുടെ പശ്ചാത്തലത്തിൽ വിവരിക്കുകയാണ് പുഴ കടന്നാൽ പൂങ്കാവനം എന്ന ലേഖനത്തിലൂടെ പാഥേയത്തിൽ ശരത് വെൺപാലാ.

എറണാകുളം സ്വദേശിയായ ശരത് വെൺപാല അറിയപ്പെടുന്ന പ്രഭാഷകനും എഴുത്തുകാരനുമാണ്.

P10
ജീസസ് യൂത്ത് മുന്നേറ്റത്തിൽ അന്തർലീനമായിരിക്കുന്ന കത്തോലിക്കാ തത്വമായ സബ്സിഡിയാരിറ്റിയെക്കുറിച്ചാണ് ഇത്തവണ ഫ്രം ദ ഹാർട്ടിലൂടെ
ഡോ എഡ്വേർഡ് എടേഴത്ത് പ്രതിപാദിച്ചിരിക്കുന്നത്.

ജീസസ് യൂത്ത്‌ മുന്നേറ്റത്തിന്റെ തുടക്കക്കാരിൽ പ്രധാനിയായ ലേഖകൻ അന്തർദേശീയ പ്രഭാഷകനും എഴുത്തുകാരനുമാണ് . 2018ൽ ഷെവലിയർ പട്ടം ലഭിച്ചു

P13
എവിടെ എന്റെ രാജകുമാരി. ജോബി തോമസിന്റെ ഹൃദയസ്പർശിയായ കവിത.

P14
‘ വിവാഹത്തിന് ഒരുങ്ങേണ്ടതുണ്ടോ” എന്ന കവർസ്റ്റോറിയിലെ തന്റെ ലേഖനത്തിലൂടെ വിവാഹ ഒരുക്കത്തിലെ മൂന്നു പ്രധാനപ്പെട്ട ഘട്ടങ്ങളെക്കുറിച്ച് പ്രതിപാദിക്കുന്നു മാത്യു ജോസഫ്.

ചേർത്തല സ്വദേശിയായ മാത്യു KJYC കോഡിനേറ്റർ കൂടി ആണ്.

P16

” Can be a little romantic ‘ എന്ന കവർസ്റ്റോറിയിലൂടെ വിവാഹ ജീവിതത്തിലെ പ്രണയത്തിന്റെ മാധുര്യം പങ്കുവെക്കുന്നു സ്മിത ജിജോ.

പ്ലസ് ടു അധ്യാപികയായ സ്മിത ജിജോ എറണാകുളം കോതാട് സ്വദേശിയാണ്. ഭർത്താവ് ജിജോ സിറിയക്, മൂന്നു മക്കൾ.

P 18
‘വിവാഹം മുന്നൊരുക്കം’ എന്ന കവർസ്റ്റോറിയിലെ മറ്റൊരു ലേഖനത്തിലൂടെ വിവാഹ ജീവിതത്തിന് ആവശ്യമായ മാനസികവും ശാരീരികവും ഭൗതികവുമായ മുന്നൊരുക്കങ്ങളിലേക്ക് വിരൽചൂണ്ടുന്നു ഷാലറ്റ് ബിനീഷ്.

കോഴിക്കോട് AWH എൻജിനീയറിങ് കോളേജ് അസിസ്റ്റന്റ് പ്രൊഫസർ ആണ് ഷാലറ്റ് ബിനീഷ്. ഭർത്താവിനും മൂന്നു മക്കൾക്കും ഒപ്പം കോഴിക്കോട് താമസിക്കുന്നു.

P 20
വടക്കൻ അറേബ്യയുടെ പുതിയ അപ്പസ്തോലിക മെത്രാനായി നിയമിതനായ ബിഷപ്പ് ആൽദോ ബെറാഡിയുമായി കെയ്റോസ് ന്യൂസ് എഡിറ്റോറിയൽ അംഗവും കുവൈത്ത് ജീസസ് യൂത്തുമായ ജോബി ബേബി നടത്തിയ അഭിമുഖമാണ് എക്ലെസിയ അഭിമുഖത്തിൽ.

P23
ഒരേഴാം ക്ലാസുകാരൻ പങ്കുവെച്ചത്.. എന്ന ലഘുക്കുറിപ്പിലൂടെ സെറിൻ എയ്ഞ്ചൽ കുഞ്ഞുമനസ്സുകളുടെ ഹൃദയം നൊമ്പരങ്ങൾ തുറന്നുകാട്ടുന്നു.

P 24.
‘ ദൈവം എനിക്കായി അത് ചെയ്തു’ എന്ന തലക്കെട്ടോടെ സ്പോർട്സും വിശ്വാസവും എന്ന പേജിൽ കുവൈറ്റിൽ നിന്നും ജോബി ബേബി ഇത്തവണ പരിചയപ്പെടുത്തുന്നത് നൈജീരിയയിൽ നിന്നുള്ള തോബി അമുസനെ ആണ്. ലോക അത്‌ലറ്റിക് ചാമ്പ്യൻ ഷിപ്പിൽ സ്വർണ്ണമണിയുന്ന ആദ്യ നൈജീരിയൻ അത്‌ലറ്റായ അമുസന്റെ ദൈവവിശ്വാസത്തിലേക്കും അതുവഴി അവൾ ആർജിച്ച ആത്മവിശ്വാസത്തിലേക്കും വിരൽചൂണ്ടുന്നു ഈ ലേഖനം

ലേഖകൻ ജോബി കുവൈറ്റിൽ നേഴസ് ആണ്

P26
“എന്നെ ശക്തനാക്കുന്നവനിലൂടെ എനിക്ക് എല്ലാം ചെയ്യാൻ സാധിക്കും ” ഇത്തവണത്തെ ജീസസ് യൂത്ത് വിചിന്തനത്തിന്റെ തലക്കെട്ട് ആണിത്. ദൈവകൃപയുമായി ഇടമുറിയാത്ത സഹകരിക്കേണ്ടതിന്റ ആവശ്യകതയാണ് ഈ വിചന്തനത്തിലൂടെ ജീസസ് യൂത്ത് ഇന്റർനാഷണൽ മിഷൻ ടീമിന്റെ ഡയറക്ടർ ആയ ബിജേഷ് പെരേര പങ്കുവെക്കുന്നത്.

ഐടി മേഖലയിൽ ജോലി ചെയ്യുന്ന ബിജേഷ് ഭാര്യ ലിമിയ യോടും മൂന്നു മക്കളും ഒപ്പം ദുബായിൽ താമസിക്കുന്നു

P 28
വിവാഹം… ആശകൾ ആശങ്കകൾ.. എന്ന പംക്തിയിലൂടെ വിവാഹ ജീവിതത്തെ കുറിച്ചുള്ള സംശയങ്ങൾക്ക് ഉത്തരം നൽകുന്നു ടിന്റു സോണി.

കൺസൾട്ടന്റ് സൈക്കോളജിസ്റ്റായ ടിൻ്റു സോണി എറണാകുളത്ത് കാക്കനാട് താമസിക്കുന്നു. ഭർത്താവ് സോണി പി മാണി.അഞ്ച് മക്കൾ.

P 30

Precaution is better than cure എന്ന ഫാമിലി കഫെയിലെ ലേഖനത്തിലൂടെ വിവാഹത്തിലൂടെ ഒന്നാകുന്ന രണ്ടു കുടുംബങ്ങളുടെ പശ്ചാത്തലത്തിൽ വൈവാഹിക ജീവിതത്തെക്കുറിച്ച് സംസാരിക്കുന്നു എലിസബത്ത് ചക്കാലക്കൽ.

ലേഖിക എലിസബത്ത് ഭർത്താവിനും മൂന്നു മക്കൾക്കുമൊപ്പം പാലക്കാട് താമസിക്കുന്നു.

P34
ഫാമിലി കഫേയിലെ മറ്റൊരു പ്രധാന ലേഖനമാണ് സ്നേഹപ്രിയരും കലഹപ്രിയരുമെന്ന സജീവ് പാറേക്കാട്ടിലിന്റെ ലേഖനം. വിവാഹ ജീവിതത്തിന്റെ ഭദ്രതയ്ക്ക് തുരങ്കം വയ്ക്കുന്ന കലഹത്തെക്കുറിച്ച് സംസാരിക്കുകയാണ് സജീവ് ഇവിടെ.

എറണാകുളം ലിസി ഹോസ്പിറ്റലിലെ പബ്ലിക് റിലേഷൻസ് മാനേജർ ആണ് സജീവ്. ഭാര്യ ജിൻസി , രണ്ടു മക്കൾ.

P37
ടീൻസ്‌ സ്പിരിറ്റ് റെയിൻബോയിൽ പള്ളിക്കൂടം തുറന്നേ എന്ന ലഘു കുറിപ്പിലൂടെ പുതിയ അധ്യയന വർഷത്തിൽ ശ്രദ്ധിക്കേണ്ട കാര്യങ്ങൾ സൂചിപ്പിക്കുകയാണ് അധ്യാപികയായ മായാറാണി.

പ്ലസ് ടു അധ്യാപികയും ടെലിവിഷൻ അവതാരകയും ആണ് മായാറാണി. ഭർത്താവ് വിപിൻ റോൾഡൻ മൂന്നു മക്കൾ . എറണാകുളത്ത്‌ ജീസസ് യൂത്ത് വില്ലയിൽ താമസിക്കുന്നു.

P38
‘ഒരു യുവജന വിസ്മയം’
എന്ന പേരിൽ ടീൻസ് സ്പിരിറ്റ് മൈ സ്റ്റോറിയിൽ ടീനേജെഴ്സിനു വേണ്ടി നടത്തിയ STEP ONE പ്രോഗ്രാമിൻ്റെ വിശേഷങ്ങൾ എഴുതുന്നു അമല ട്രീസാ ജെയിംസ്.

അധ്യാപിക, പാലാ സ്വദേശി

P40
ടീൻസ് സ്പിരിറ്റ്‌, ചർച്ച് ആൻഡ് സയൻസിൽ ഇൻഹലേഷൻ തെറാപ്പിസ്റ്റ് ആയ സിസ്റ്റർ മേരി ഇവോണിന്റെ ശാസ്ത്രീയ നേട്ടങ്ങൾ പങ്കുവെക്കുന്നു ജൂഹി എല്‍സ് ജോർജും സിന്റോ വി വർഗീസും.

P 42
ഇത്തവണ വാർത്താവിചാരത്തിൽ ജപ്പാനിലെ ജനസംഖ്യയിൽ സംഭവിക്കുന്ന കാര്യങ്ങളെക്കുറിച്ചും പുതിയ തലമുറയുടെ യൂറോപ്പിലേക്കുള്ള കുടിയേറ്റം സഭയ്ക്ക് നേട്ടമാണോ എന്നതിനെക്കുറിച്ചുമെല്ലാം പങ്കുവെക്കുന്നു. ശ്രീ. സണ്ണി കോക്കാപ്പിള്ളിൽ .

സണ്ണി കോക്കാപ്പിള്ളി കെയ്റോസ് മലയാളം അസോസിയേറ്റ് എഡിറ്റർ ആണ്.

P44
സ്മാർട്ട് കിഡ്സ് എന്ന കോളത്തിലൂടെ, ട്രീസ മോളുടെ ചങ്ങാതി എന്ന കഥ കുട്ടികൾക്കായി പങ്കുവെക്കുന്നു ജോഷ്വാ എസ് എബ്രഹാം . വെങ്കിയുടെ ചിത്രങ്ങൾ കഥയ്ക്ക് മികവേകുന്നു.

എറണാകുളം കൂനമ്മാവ് ചാവറ ദർശൻ സി എം ഐ പബ്ലിക് സ്കൂളിലെ ഏഴാം ക്ലാസ് വിദ്യാർത്ഥിയാണ് ജോഷ്വാ.

P45
കുറിക്കുകൊള്ളുന്ന നർമ്മത്തിലൂടെ മനുഷ്യ ജീവിതത്തിലെ യാഥാർത്ഥ്യങ്ങളിലേക്ക് വിരൽചൂണ്ടുന്നു വഴുതന മാത്തനിലൂടെ കാർട്ടൂണിസ്റ്റ് സിനിൽ കെ ജെ.